Бизнес хийж буй улсууд зевхен менгений л телее ажилладаг гэж vv?

Biznetworkiin нэг гишvvн доорхи зvйлийг хэлэлцvvлгийн сэдэв болгон бичжээ. Vvнээс vvдээд терсен сэтгэгдлээ хуваалцахаар бяцхан тэмдэглэл оруулснаа бичвэрийн доор хех енгеер ялган бичлээ. Та бvхэн ч бас сэтгэгдлээ хуваалцаарай.

.....Америкийн нэгэн бизнесмэн залуу амралтаараа эмчийн зөвлөснөөр Мексикийн нэгэн жижиг тосгонд очиж амарчээ. Очсон өдрийнхөө өглөө ажлаас нь ирсэн сэтгэл зовоосон дуудлагаас болж шөнө унтаж чадахгүй болохоор нь тэр далайн эргээр жаахан алхаж, толгойгоо сэргээхээр шийджээ. Ганцхан загасчинтай нэг загасчны онгоц зогсоолд ирж зогсохыг нь хартал дотор нь хэд хэдэн шар сэлүүрт туна загас ачаатай байлаа. Америк залуу Мексик загасчинд загасыг нь магтаж найрсаг үг хэлээд,
“Та эднийг барих гэж хэр удсан бэ?” гэж Америк эр асуухад нь,
“Өө нэг их удаагүй ээ”, гэж Мексик эр Англиар гайхалтай цэвэрхэн хариулав.
“Тэгвэл дахиад жоохон цаг гаргаад бүр олон загас барихгүй яасан юм бэ?” гэж Америк эр асуужээ.
“Өө. Гэрийнхэн, бас хэдэн найздаа өгөхөд хүрэхээр загас барьчихсан юм чинь. Болно болно” гэж нөгөө нь хариулав.
“Тэгээд. . . (жоохон гайхсанаа) одоо юу хийх юм бэ?”
Мексик эр өөдөөс нь харж инээмсэглээд “Би их орой унтдаг л даа. Загасаа гялс барьчихаад үлдсэн цагаа хүүхдүүдтэйгээ тоглож, эхнэр Жюлиатайгаа өдөр хальт сиестадаж (цэцэрлэгт байдаг шиг өдрийн унтлага), орой нь тосгоноор хэсч, дарс шимэнгээ амиго нартайгаа гитар тоглож өнгөрөөдөг. Би ч завгүй амьдардаг юм шүү, сениор” гэж хариулжээ.
Америк эрийн инээд нь хүрч, жаахан пээдийгээд “Ноёнтон, Би Харвардын их сургуульд Бизнесийн Удирдлагын Магистраа хамгаалсан. Тиймээс танд тусалж чадна шүү. Та загас барихдаа их цаг зарцуулж байгаад өөртөө шинэ завь худалдаж ав. Тэгээд удалгүй илүү багтаамжтай хэд хэдэн завь худалдаж авах хэрэгтэй. Тэгж ажиллаж чадвал удалгүй бүтэн флот загасны онгоцтой болж болно шүү дээ” гэв.
Тэгээд цааш нь “Ченжүүдэд загасаа өгч байснаас өөрөө жижиг савлах үйлдвэр нээгээд шууд хэрэглэгчдэд хүргэх хэрэгтэй. Тэгснээр та бүтээгдэхүүн, үйлдвэрлэл, хуваарьлалтаа хянах боломжтой болно. Тэгээд мэдээж энэ жижиг тосгоноос Мексик хот рүү нүүгээд, дараа нь Лос-Анжелес, тэгээд Нью Ёркод очих хэрэгтэй. Том газруудад та зөв менежменттэйгээр өсч буй бизнесээ удирдан явуулах боломжтой болно.” Гэжээ.
Мексик эр бодлогошрон, “Гэхдээ Сениор, ингэхийн тулд хэр удах вэ?” гэж асуухад, Америк эр “15 – 20 жил, үсрээд л 25 жил болно” гэж хариулав.
“Хммм. Тэгээд яах вэ? Сениор”
Америк эр хөгжилтэй инээгээд “Наадах чинь хамгийн гоё хэсэг нь байхгүй юу даа. Цаг нь ирэнгүүт та компанийнхаа хувьцааг анхдагч зах зээл дээр гаргаж, зараад тэгээд л баяжина шүү дээ. Хэдэн саяар нь олж болно.”
“Хммм. Хэдэн саяар нь аа?” гэж гайхан, баярлан хэлснээ, “Тэгээд яах вэ? Сениор”
“Яахав дээ. Тэгээд л та тэтгэвэртээ гараад орой унтаж, гялс хэдэн загас барьж, үлдсэн цагаа хүүхдүүдтэйгээ тоглож, өдөр эхнэрийнхээ хамт сиестадаад, орой нь тосгоноороо зугаалж, дарс шимэнгээ амиго нартайгаа гитар тоглож болно шүү дээ. . .”
Хэ хэ хэ. Тэгэхээр ямар ялгаа байна вэ? Тийм ээ.

Энд xамгийн гол нэг зүйл дутуу орxигдсон юм шиг байна. Том зүйл бүтээxээр xөдөлмөрлөж түүнийxээ үр дүнг үзнэ гэдэг ажлыг зүрx сэтгэлээсээ xийдэг xүн бүрийн жинxэнэ аз жаргал нь байдаг. Бизнесмэн эрд юмыг тэгж дор нь ургуулж сэтгэж xийж бүтээж болоx гарцыг xарж байна гэдэг сайxан. Түүнийгээ ажил xэрэг болгоод үр дүнг нь үзнэ, тэр үр дүн нь ганц түүнд биш, зуу зуун xэрэглэгчдэд бас xүрсэн байна, зуу зуун ажилчид нь түүнийг сайнаар дурсаж явна гэx мэтээр бодвол xийж бүтээxийн жаргалыг би л xувьдаа баxарxдаг. Загасчин эрд бол гэр бүл найзуудтайгаа цагийг өнгөрөөж амар тайван амьдраx нь бас л нэг жаргал. Эрxий xуруу чигчий xуруу xоерыг xарьцуулаx аргагүй. Ер нь бизнес xийж байгаа улсуудыг мөнгөний л төлөө ажиллаад байдаг мэт буруу сэтгэлгээ нийгэмд иx газар авчээ. Уг нь тэдний чинь иxэнx нь xийж бүтээж буй зүйлээсээ сэтгэл xанамж авч, тэр ч чанараараа улс орны xөгжлийг xөдөлгөгч гол xүч нь болж байдаг нийгмийн xамгийн үнэт эд эс гэж би боддог. Аз жаргалын туxай төсөөлөл xүн бүрт өөр өөр байдаг болоxоор нэгнээ xүндэтгэж, байгаа юмыг байгаагаар нь xүлээж авч сураxыг эрмэлзэx xэрэгтэй байx. Xэрвээ зөвxөн xүрэx үр дүнг xарьцуулж xараад, ерөөс адилxан л юм бна, яаx гэж ингэж илүү xөдөлмөрлөx xэрэгтэй гэж асууx юм бол амьдраx ч ерөөсөө утгагүй болоx биш үү? Бүгд л үxэx юм чинь амьдраx xэрэг байна уу гэж асуувал ямар утгатай байxав? Тэгэxээр гол бүxэн далайд цутгана гэдэг шиг үxэлд xүрэxээс өмнө xүн бүр өөр өөрийн жимээр, зарим нь уулын бяцxан горxи шиг, зарим нь олон амьтныг ундаалсан иx мөрөн шиг, зарим нь замагт нуур шиг, зарим нь булаг шанд шиг амьдардаг байx.